కాంతి దీపాలు

తూరుపు నింగిలో
అరుణ భాస్కరుడుదయిస్తున్నాడు
లోకంలోని కల్మషాన్ని కాల్చి వేయడానికి

నీలాల నింగిలో
చిన్నారి జాబిలి
చల్లని వెన్నెలను ప్రసరిస్తుంది
తనలోని మంచిని అందరికి పంచేలా

ఆకాశ వీధిలో అందాల తారలు
తళుకు తళుకు మంటున్నాయి
మనుషుల్లోని తమస్సును హరించేలా

ఆ అరుణ భాస్కరుడు
ఆ చిన్నారి జాబిలి
ఆ అందాల తారలు

ఇస్తున్నాయి మనకో సందేశాన్ని
ఇతరులకు సహాయ పడేలా
నీ జన్మను సార్థకం చేసుకో అని